خالد العوبثاني جربت أول ساعة من نسخة الديمو للعبة Hell Is Us، وأنهيتها بانطباع إيجابي عن اللي ممكن تقدمه التجربة الكاملة.
الاستكشاف وأسلوب اللعب
محتوى العالم بالاستكشاف
فكرة الاستكشاف بدون خريطة ممكن ما تعجب بعض الناس، بس بالنسبة لي ذكرتني بـZelda: BoTW و Elden Ring، من ناحية إنك تستكشف وما تدري وين بتروح أو وش ممكن تواجه، وهذا الشي اعجبني كثيراً!
موازنة بين المعارك والتحقيق وحل الالغاز
أسلوب اللعب منقسم بين تحقيق مع الشخصيات في العالم عشان تكتشف أماكن المناطق، خاصة إن اللعبة ما تعطيك مهام واضحة على الواجهة، ولا حتى نقطة تحدد لك وين تروح.
وفيه جانب قتالي بأسلوب حركي، وتكتيكي، ويحتاج تركيز، خصوصاً إذا كنت تواجه أكثر من عدو في نفس الوقت.
وأخيراً، فيه جانب للألغاز، وبتستفيد كثير لو تمسك ورقة وقلم وتكتب التلميحات عشان تقدر تحللها وتوصل للحلول.
التوجه الفني والموسيقى
تناسق متميز
التوجه الفني والموسيقى مناسبين جداً لأجواء اللعبة، ويرتبطون بشكل ممتاز مع عالم القصة والأحداث الكئيبة اللي – رغم سوداويتها – يضيفون عمق وحياة للعالم.
أداء اللعبة على PC
من الممكن أن يكون أفضل
الأداء مبدئياً جيد على الـPC مع DLSS على وضع Balance ودقة 4K، وكل الإعدادات على High. بس الإطارات ما كانت ثابتة، حتى لما حددتها على 60 FPS
وفي النهاية، هذا كان انطباعي البسيط عن أول ساعة من اللعبة، والتجربة خلتني متحمس جداً للنسخة الكاملة اللي راح تنزل في 4 سبتمبر المقبل!
ستتوفر اللعبة على الأجهزة المنزلية ومنصة PC مع توفر الديمو الآن من 2 يونيو إلى 16 يونيو للتجربة في Steam.
